Главная » 2019 » Март » 19 » А5алар конфернциялара "Дьиэ кэргэннэ а5а оруола"
07:20
А5алар конфернциялара "Дьиэ кэргэннэ а5а оруола"

Биһиги оскуолабытыгар Аҕалар конференциялара тэриллэн ыытыллар буолбута уонтан тахса сыл буолла. Үгэс буолбут Аҕалар конференцияларын быйыл уларытан оҕону иитиигэ опыты атастаһыыны көлүөнэлэринэн ыыттыбыт: кырдьаҕас, орто уонна эдэр а5алар диэн.Бастакынан а5а саастаах көлүөнэттэн биһиги оскуолаҕа 5 уолун үөрэттэрбит, уол оҕону иитиигэ уопуттаах, Түбэ нэһилиэгин олохтооҕо, ЖКХ маастара Григорьев Тит Титович (65 саастаах) бэйэтин баай уопытыттан кэпсээтэ, эдэр төрөппүттэргэ уонна оҕолорго сүбэтин-аматын иһиттибит. Тит Титович кэргэнинээн Ульяна Николаевналыын 5 уол оҕону төрөтөн, иитэн, улаатыннаран, үөрэттэрэн,ыал оҥортоон, дьиэлээн-уоттаан биһиги нэһилиэкпит тутаах ыаллара буолан олороллор. Уолаттара нэһилиэккэ эмиэ биллэр үлэһит дьон.Тит Титович 9 сиэннээх, онтон биэһэ уолаттар, түөрдэ кыргыттар.Иккиһинэн орто сааастаах көлүөнэттэн элбэх оҕолоох, ИЗО уонна технология учуутала идэлээх, нэһилиэккэ пожарнай чаас салайааччыта, оскуолабыт охраннига Попов Егор Романович кыыс оҕону иитии уратыларын үллэһиннэ. Егор Романович кэргэнинээн, эмиэ учуутал идэлээх, Варвара Николаевналыын үс кыыьы күн сирин көрдөрөн, батыһыннара сылдьан бэйэлэрин холобурдарынан үтүө дьон буола улааталларыгар кыһаллаллар.Үсүһүнэн бэйэбит үөрэппит оҕобут, идэтинэн физкультура учуутала, уоллаах кыыс оҕолоох эдэр аҕа Иванов Маркел Павлович дьиэ кэргэҥҥэ оҕону иитиигэ опытыттан кэпсээтэ. Кэргэнэ Юлия Алексеевна олохтоох модельнай библиотека сэбиэдиссэйэ. Эдэр ыаллар оҕону иитиигэ улахан болҕомтолорун уураллар, оҕолоро төрөөбүт дойдуларыгар туһалаах дьон буола улааталларыгар бары билиилэрин-сатабылларын туһаналлар.Аҕалар дьиэ кэргэннэрин туһунан презентация оҥорбуттар. Төрөппүттэргэ, оҕолорго үгүс элбэх сүбэни-аманы биэрдилэр.Үөрэнээччилэр хоһоон ааҕан, үҥкүүлээн конференцияҕа кэлбит төрөппүттэри, ыалдьыттары эҕэрдэлээтилэр. Быыһыгар оонньоон ыллылар.



 
Просмотров: 13 | Добавил: idobep02 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]