Хоодуоттар хотойдор үйэттэн үйэҕэ ааттара ааттанар

Хонуунан- муоранан, тайҕанан-хайанан ырыаҕа ылланар.

Ол иһин халлааҥҥа күн уота күлүмнээн күндээрэ умайар

Ол иһин дьоннорго өй-санаа күүһүрэн күн курдук сандаарар.

Биир дойдулаахпыт, биллиилээх государственнай, общественнай деятель, Саха АССР Министрдэрин Советын Председателин бастакы солбуйааччынан үлэлээбит, Саха АССР Үрдүкү Советын 5-с съеһин ыҥырыылаах депутата, Саха АССР норуотун хаһаайыстыбатын үтүөлээх үлэһитэ, икки «Бочуот Знага» уонна «Норуоттар доҕордоһуулара» уордьан кавалера, Дьокуускай куорат уонна Нам улууһун Бочуоттаах гражданина Николай Семенович Охлопков 90 сааһын бэлиэтиир «Киэн туттабыт Эн ааккынан, Саха чулуу уола!» конференция ыытылынна. Тэрээһин маннайгы чааһа оскуолаҕа ыытылынна. «Түбэчээнэ» уһуйаан уонна Түбэ орто оскуолатын алын сүһүөх кылааһын үөрэнээччилэрэ Куприянова Ольга Семеновна көҕүлээһинэн тэриллибит «Я архитектор села будущего» диэн ааттаах проекка макет оҥорон кытыннылар. Улахан кылаас оҕолоро киэҥ далааһыннаах үлэтин сырдаттылар.

Үлэнэн туох бары кэмнэнэр,

Үлэнэн дьол соргу тарҕанар.

Дьонтон үүммүт киһи киһитэ

Үлэтинэн үйэлэнэр.
 

Тэрээһиҥҥэ кыттыбыт күндү үөрэнээччилэрбитигэр, ыҥырыылаах ыалдьыттарбытыгар барҕа махтал буоллун!!!